*സിന്ദഗി എക്സഫർ ഹെെ സുഹാനാ യഹ് കൽ ക്യാ ഹൊ കിസ് നെജാനെ*
ജീവിതം ഒരു സുന്ദരമായ യാത്രയാണ്.
നാളെ ഇവിടെ എന്ത് സംഭവിക്കുമെന്നത് ആർക്കുമറിയില്ല.
*ചാന്ദ് താരെ പൂൽ ഔർ ഖുഷിയാൻ ബഹാരോൻ ക ഹെ യെ ഖസാനാ*
വസന്തത്തിന്റെ നിധി പോലുള്ള ഈ ലോകത്തിൽ
ചന്ദ്രനും താരങ്ങളും പൂക്കളുമൊക്കെ സന്തോഷത്തിലാണ്...
രാത്രി ഉറങ്ങാൻ കിടക്കുമ്പോൾ കേട്ട മധുർ ഗീതിൽ കിഷോർ കുമാർ ഇങ്ങനെ പാടിയെങ്കിൽ എനിക്കും എന്ത് കൊണ്ടായിക്കൂടാ ?
ഈ ചിന്തയോടെ ഉറങ്ങി ഞായറാഴ്ച രാവിലെ സ്കൂൾ / മദ്രസ്സ കുട്ടികളെ പോലെ അല്ലെങ്കിൽ ഗൾഫുകാരന്റെ ഒരു വെളിയാഴ്ച പോലെ എണീറ്റു.
ഉയിരിട്ട പുലർ വേളയിൽ തെളിയുന്ന നിഴലിന്റെ ദൂഷിത ദൃശ്യതയിൽ അങ്ങാടിയിലേക്ക് നടക്കുമ്പോഴാണ് ഒരു കൂട്ടമാളുകൾ റോഡരികിൽ നിൽക്കുന്നത് കാണുന്നത്. സൂക്ഷ്മദർശനത്തിൽ കണ്ടാലറിയുന്നവർ...
mec7കൂട്ടം !അവരുടെ നിർബന്ധക്ഷണം സ്വീകരിച്ച് നേരത്തെ
പറഞ്ഞുറച്ചതല്ലാത്ത ബസ്സ് വന്നപ്പോൾ ഞാനുമതിൽ മണ്ടിക്കേറി
ദൃശ്യശക്തി കുറഞ്ഞ കണ്ണ് ഒന്ന് കോൺസൻട്രേറ്റ് ചെയ്തപ്പൊ ബസ്സിനുള്ളിൽ...
ങേ എല്ലാവരും
സുഹൃത്തുക്കൾ...
ചിരികൾ നിറഞ്ഞ യാത്ര. മനസ്സിൽ വലിയ സ്വപ്നങ്ങൾ.
ആവേശം.
ബസ് മുന്നോട്ട് നീങ്ങുമ്പോൾ
ജാലകത്തിനപ്പുറം മാറുന്ന കാഴ്ചകളെ പോലെ
ചിന്തകളും മാറിക്കൊണ്ടിരുന്നു.
പുതുമയൊന്നുമില്ലെങ്കിലും പരിചയപ്പെടലുകൾ
പഴയ ചളികൾ, പുതിയ തമാശകൾ,
ഇടയ്ക്കിടെ ഉയരുന്ന പാട്ടുകൾ.
ഏനും പാടി പണ്ട് ജഗതി പാടിയ പോലെ
*ഓട്ടപ്പാത്രത്തിൽ ഞണ്ട് വീണാൽ ലൊട ലൊടല*
യാത്ര മുഴുവൻ ഒരു ഉത്സവമാക്കാൻ സംഘാടന ശ്രമം.
ലക്ഷ്യസ്ഥാനമല്ല പ്രധാനമായത്,
അവിടെ എത്താൻ എടുത്ത ഈ വഴി തന്നെയാണ്
സന്തോഷം സമ്മാനിച്ചത്.
ഒരുമിച്ച് ഭക്ഷണം,
ഒരുമിച്ച് ചിരി,
എല്ലാം ഒരുമിച്ച് . ചില നിശബ്ദത പോലും
ഓർമ്മകളായി മാറുന്ന നിമിഷങ്ങൾ !
*തലേന്നത്തെ മനപ്പാഠങ്ങളും ലസാഖുവും സമവാക്യങ്ങളും ഇല്ലാതെ എത്ര വിചിത്രമായാണ് യാത്ര തരപ്പെട്ടത്!ഇതിലും വലിയൊരു ആസ്വാദനത്തിൽ കഴിഞ്ഞ പ്രാവശ്യം അവളുടെ സാന്നിധ്യമുണ്ടായിരുന്നു. അന്ന് അവൾ അരികിലുള്ളപ്പോൾ ഞാൻ ശ്രദ്ധിക്കാതെ പോയ കൊച്ചു കൊച്ചു ശബ്ദങ്ങൾ പോലും ഇപ്പോൾ, ഇവിടെ, എന്റെ കാതുകളിൽ അലയടിക്കുന്നു. അവളില്ലാത്ത ഈ നിശബ്ദത പോലും വലിയ ഭാരമായി തോന്നുന്നു*
മാനസികോല്ലാസം; ദൈനംദിന ജീവിതത്തിലെ തിരക്കുകളിൽ നിന്നും സ്ട്രെസ്സിൽ നിന്നും മോചനം നൽകുന്നു. പ്രത്യേകിച്ച് വീട്ടിലെ സ്ത്രീകൾക്ക് വെക്കാനും വിളമ്പാനും അലക്കാനും തുടക്കാനും ഇല്ലാത്ത ഒരു ദിവസത്തെ മാത്രം ലീവ് !!! അവരുടെ ആഹ്ളാദം എത്ര മാത്രമായിരിക്കും !?
പുതിയ അറിവുകൾ: ഓരോ സ്ഥലത്തിനും ഓരോ ചരിത്രവും കഥകളുമുണ്ടാകും. അത് നേരിട്ട് മനസ്സിലാക്കാൻ യാത്രകൾ സഹായിക്കും.
സൗഹൃദങ്ങൾ: പുതിയ ആളുകളുമായുള്ള ചങ്ങാത്തം.
ഇതൊന്നും ചിന്തിക്കാത്ത, പാകപ്പെടുത്താത്ത മനസ്സിനുടമകൾ അപ്പോഴും ചോദിച്ചേക്കും
*നമ്മളെന്തിനാ ഇങ്ങോട്ട് പോന്നത് ?*
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ