അവർ എത്ര തവണ ദൈവത്തെ വിളിക്കുന്നു

 കൊറോണറികളിൽ സ്റ്റാൻഡ് കോഴിക്കോട് മെഡിക്കൽ കോളേജിൽ കാർഡിയോളജി വിഭാഗത്തിലെ 20 ബഡുകളിൽ ഒന്നിൽ കിടക്കുന്ന നേരത്ത് മൊബൈൽ കയ്യിൽ ഇല്ലാത്തതിനാൽ ചിന്തകൾക്കും പരിധിയില്ലായിരുന്നു ബൈസ്റ്റാൻഡർമാർക്കും രോഗികൾക്കും പ്രാർത്ഥന ഒന്ന് മാത്രം ഉണ്ടായിരുന്നുള്ളൂ "ദൈവമേ രക്ഷിക്കണേ എത്രയും പെട്ടെന്ന് അസുഖം മാറി ഇവിടന്ന് കഴിച്ചിലാകണെ"  അവിടെ ബെഡിൽ രോഗികളും അവരുടെ നാമവും  മാത്രമേ മാറുന്നുള്ളൂ. ചികിത്സ ഒന്ന് ചെയ്തികൾ ഒന്ന് സംസാരം ഒന്ന് റിക്കാർഡ് ചെയ്തു വെച്ച പോലെ ഉപദേശം ഒന്ന് 

മരുന്നുകൾ ഒന്ന് 

 "ന്നാ പിന്നെ വരാംട്ടൊ" എന്ന് യാത്ര പറയാത്ത ഒരിടം. ദൈവത്തിനെ ഏറ്റവും കൂടുതൽ വിളിക്കുന്നത് ആശുപത്രികളിൽ ആയിരിക്കാം.

 

"കുത്താണെ"

 ഞരമ്പിലേക്ക് നീഡിൽ കുത്തിയിറക്കാൻ നേരം ഞാൻ "യാറബ്ബ്" എന്ന് പറഞ്ഞപ്പോൾ നേഴ്സ് ചിരിച്ചുകൊണ്ട് പറഞ്ഞു "നിങ്ങളെപ്പഴെങ്കിലും അല്ലേ ദൈവത്തിനെ വിളിക്കുന്നുള്ളൂ ഞാൻ ഒരു ദിവസം എത്ര പ്രാവശ്യം വിളിക്കുന്നൂന്നറിയോ ചിലരുടെയൊക്കെ ഞരമ്പ് കിട്ടാൻ ഞാൻ പെടുന്ന പാട്..."

അതെ, ആവശ്യം വരുമ്പോൾ മാത്രം ഓർമ്മിക്കപ്പെടുന്ന ഒരു നാമം ആണല്ലോ ദൈവമെന്നത് !