ഇല്ലിക്കല്ലിലേക്ക് പോകും വഴി

 Part =2

നാടും നഗരവുമുറങ്ങിയ ഇരുട്ടിലൂടെ പെട്ടെന്ന് മഞ്ഞയും വെള്ളയും കലർന്ന പ്രകാശമാനമാക്കിയ തെരുവീഥിയിലൂടെ

 മുന്നിൽ പോകുന്ന വാഹനങ്ങളുടെ ചുവന്ന ടെയിൽ ലൈറ്റുകൾ ദൂരെ ഒരു ചുവന്ന വര പോലെ നീണ്ടുപോകുന്നത് നോക്കി ഞാനിരുന്നു.

  

സമയത്തെ തോൽപിക്കാനുള്ള വാശിയോടെ കുതിക്കുന്ന ശകടം എവിടെയെത്തിയെന്നറിയിച്ചത് സുബ്ഹി ബാങ്ക് അലയൊലികളായിരുന്നു. 

വടക്കഞ്ചേരി ടൗൺ കഴിഞ്ഞുള്ള പള്ളിയിൽ നിന്നുമുള്ള താൽക്കാലിക പ്രഭാതകൃത്യങ്ങളും നമസ്കാരവും കഴിഞ്ഞപ്പോൾ എല്ലാവരുടെയും ശരീരത്തിന് പുതിയ ഊർജ്ജം, ഉന്മേഷം!

ബസ്സ് പിന്നെയും ചീറി.

കൃസ്തുമസ് അടുത്തതിനാൽ എൽഇഡി അലങ്കാര വൈവിദ്യനിറ വെളിച്ചങ്ങൾ

ബസ്സിന്റെ മുൻ ചില്ലിലൂടെ അകത്തേക്ക് കേറി ഒപ്പമുള്ളവരുടെ -പൊതുവെ അഴകോലും- മുഖങ്ങൾ വർണ്ണഭേദങ്ങളാൽ ഒന്നും കൂടെ ചൊങ്കും റങ്കും കൂടി. 

പക്ഷേ ബസ്സിന് അൽപം സ്പീഡ് കുറഞ്ഞതായി തോന്നി.  

അത് നമ്മുടെ പ്രിയ ഡ്രൈവർ രജീഷ് നോട് ഞാൻ ചോദിച്ചു.

*അല്ല രജീ മ്മടെ വണ്ടി ലേശം സ്പീഡ് കൊറഞ്ഞോ ന്നൊരു...*

*അതേ കൊറഞ്ഞു. ന്താ കാരണം ന്നറ്യാേ. ആ പെണ്ണുങ്ങളൊക്കെക്കൂടി മൂത്രമൊഴിച്ചപ്പൊ ബസ്സിന്റെ വെയ്റ്റ് ത്തിരി കൊറഞ്ഞു*

*ഓ അങ്ങനെ ന്നാ പിന്നെ ചായിം കടീം വൈകിക്കണ്ട. നമ്മക്ക് വേഗത്തിൽ തന്നെ ഉദ്ദേശ സ്ഥലത്ത് എത്തണം*

എട്ട്മണിക്ക് തന്നെ

ബംഗാളികളുടെ വിഹാരകേന്ദ്രമായ പെരുമ്പാവൂരിലൊരോരത്തെ 

ഹോട്ടേലേർ ശാംനേ ബസ് ടി പാശേ രാഖാ ഹോലോ.

ഇന്നലെയന്തിക്ക് ഒജീനിച്ച കൊട്ടൻ ചപ്പാത്തി കൊട്ടൻ ചുക്കാതിയായി  രൂപാന്തരം പ്രാപിച്ചിതിനാൽ  ശരീരത്തിന്റെ ഊർജ്ജസ്വലത നിലനിർത്താനുള്ള  സ്വാഭാവിക ജൈവ പ്രതികരണം ശരീരത്തിനാവശ്യമാണല്ലൊ. അങ്ങനെ ആ ചെറിയ ഹോട്ടൽ മുഴോനും എല്ലാരും കൂടി തിന്ന് തീർത്ത്.

പിന്നെ ഒരിത്ത കൊറേ മുട്ടായിം മാങ്ങിത്തന്നു. 

അപ്പോഴും ഏതൊക്കെയോ പെണ്ണുങ്ങൾ വീട്ടിലേക്ക്  വിളിക്കുന്നത് ശ്രദ്ധിച്ചു.

"ചായീക്ക് കടി എന്തേണ്ടാക്കി. ഫ്രിഡ്ജിലെ കറി ചൂടാക്ക്യാ മതി ട്ടൊ. കുഞ്ഞോൻ നീച്ചൊ മ്മാനെ ചോയ്ച്ചൊ..." 

അതെ അതാണ് സ്ത്രീ...! മകൾ, സഹോദരി, ഭാര്യ,

അമ്മ !! മൂല്യങ്ങൾ പകർന്ന് തന്ന് സഹജീവിതത്തിന്റെ തുണയാകുന്ന അദൃശ്യ അനിവാര്യ ശക്തി... ചിലർക്കെങ്കിലും ഇന്നും തിരിച്ചറിയാനാവാത്ത The Paradoxical Parliamentarian.

[ഇന്നത്തെ കാലത്ത് നേരെ മറിച്ചും ഏറെയുണ്ട്]

വീണ്ടും

 ഞങ്ങൾ വണ്ടിയേറി.

ഡ്രൈവർ ഉയർന്ന ആക്സിലറേഷനും കുറഞ്ഞ പ്രതിരോധശേഷിയും ഉപയോഗിച്ച് വാഹനത്തെ ഹൈസ്പീഡിൽ മുന്നോട്ട് നയിച്ച് മലങ്കരഡാമിന്റെ പ്രവേശനകവാടം കടത്തി കാനനഛായയിൽ തണുപ്പിക്കാനിട്ടു !