Part =3
മലങ്കര ഡാം മൂവാറ്റുപുഴ വാലി ഇറിഗേഷൻ പ്രോജക്ടിന്റെ ഭാഗമായി ജലസേചനം കുടിവെള്ളം വൈദ്യുതി ഉൽപാദനം എന്നിവയ്ക്ക് വേണ്ടി നിർമ്മിച്ച ഒരു തടാകം മറ്റു ഡാമുകളിൽ നിന്നും വ്യത്യസ്തമായി മലങ്കര ഡാം വർഷത്തിൽ എല്ലാ ദിവസവും സഞ്ചാരികൾക്കായി ഇത് തുറന്നു കൊടുക്കാറുണ്ട്.
കുട്ടികൾക്ക് കളിക്കാനായി ഒരു ചെറിയ പാർക്കും ഇതിനു ചാരയുണ്ട്. ചുറ്റുമുള്ള മലനിരകളിലെ പച്ചപ്പിന് നടുവിലുള്ള ശാന്തമായ തടാകം
ഇവിടെ കുളിക്കാനിറങ്ങിയ ഒരു സിനിമാ നടൻ മുങ്ങി മരിച്ചിട്ടുണ്ട്.
മലയാള സിനിമക്കാരുടെ ഇഷ്ട ലൊക്കേഷൻ ആണ് ഇതിന്റെ പരിസരം വെള്ളിമൂങ്ങ പീസ് ഉറുമി മഹേഷിന്റെ പ്രതികാരം തുടങ്ങി ദൃശ്യം വരെ ഇവിടെ നിന്നും ഷൂട്ട് ചെയ്ത സിനിമകളിൽ ചിലതാണ്.
ഇനി നമുക്ക് നമുക്കിടയിലൂടെ നടക്കാം.
ഒരു ഗ്രൂപ്പ് ഫോട്ടോ! അത് പണ്ട് ഇസ്കൂള് നിർത്തി പോരും മുമ്പേ എല്ലാവരും കൂടി ഓർമ്മ അയവിറക്കാൻ ഒരു ഫോട്ടോ എടുക്കും
ഇവിടെ നേരെ മറിച്ച് ഞങ്ങളെ കൂട്ടർക്ക് ഫോട്ടോയെടുക്കാനായി മാത്രം നിർമ്മിച്ചതാണ് ആ ഡാമും പരിസരവും എന്നും തോന്നുന്ന രീതിയിൽ ആയിരുന്നു; കണ്ട പൊന്തയിൽ നിന്നും വെള്ളക്കെട്ടിൻ കരയിലും കൈവരിയിൽ നിന്നും ഇരുന്നും കടന്നും പിന്നെ സെൽഫിയോട് സെൽഫി !
ഉയരത്തിലുള്ള പോലീസ് സ്റ്റേഷനിൽ നിന്ന് വിളിച്ചു പറയുന്നുണ്ട് ഫോട്ടോ എടുക്കരുത് പോട്ടമെടക്കരുത്. താഴെ പലയിടത്തും ബോർഡും വച്ചിട്ടുണ്ട് ഫോട്ടോ പ്രോഹിബിറ്റഡ്
ആര് കേൾക്കാൻ
അവരെ കുറ്റം പറയാൻ പറ്റില്ല. ഒരു ചിത്രകാരന് വരക്കാൻ പറ്റിയ പ്രകൃതിയുടെ സുന്ദരമായ നിശ്ചലദൃശ്യങ്ങൾ എത്രയോ ഉണ്ടിവിടെ.
ഞാനും തന്നെ ദൃശ്യം സിനിമയിലെ ജോർജുകുട്ടിയുടെയും കുടുംബത്തെയും പോലെ എന്റെ ഫാമിലിയോടൊപ്പം "മാരിവിൽ കുട നിവർത്തും..." എന്ന പാട്ടും പാടി എന്റെ കോട്ടക്കലിനെ വട്ടംചുറ്റിച്ച് തണുപ്പിലൂടെ നടക്കണം എന്നൊക്കെ സങ്കൽപ്പിച്ചിരുന്നെങ്കിലും ചുട്ടുപൊള്ളുന്ന ചൂട് അതിന് വിഗ്നം സൃഷ്ടിച്ചു. എന്നിട്ടും
ഒപ്പനക്കും ഡാൻസിനും വേറെ എവിടെയും സ്ഥലമില്ലാത്ത മാതിരി തള്ളച്ചിമാർ എല്ലാംകൂടി ഒപ്പനയോടൊപ്പന!
പിന്നെ ബോട്ട് സവാരി. അത് നിലമ്പൂരിൽ നിന്നും ഒരു കൂട്ടർ ടൂർ വരുന്നുണ്ടെന്ന് അറിഞ്ഞിട്ട് ആണെന്ന് തോന്നുന്നു ഡാമിലുള്ള വെള്ളം പകുതിയും പറ്റിച്ചിരിക്കുന്നു അതിനാൽ ബോട്ട് സർവീസില്ല.
പിന്നെ കുട്ടികളെ പാർക്കിൽ പെണ്ണുങ്ങളൊക്കെ കൂടി കളിയോട് കളി. ഒരുവേള ആ കീഞ്ഞ് ചാടുന്ന സാധനം പൊട്ടിപൊളിയാഞ്ഞത് ഭാഗ്യം! ചുരുക്കി കുറുക്കി പറഞ്ഞാൽ തല ഒന്നിന് (Per head) 20 രൂപ കൊടുത്തത് മുതലാക്കിയിട്ടേ അവിടുന്ന് തിരിച്ചു പോന്നതുള്ളു.
മുമ്പേ ഇത്രയധികം പെമ്പ്രന്നോത്തിമാരെ കണ്ട് സമയത്ത് നല്ല നാല് ഗാനം ആസ്വദിക്കാൻ പറ്റുമലല്ലൊ എന്ന് കരുതിയിരുന്നെങ്കിലും ഒരൊറ്റ എണ്ണം പോലും ആ വഴിക്ക് വന്നതേയില്ല കുറേ കെ എസ് ആർ ടി സി ഉല്ലാസ യാത്രയിൽ ഇത് ആദ്യത്തെ ഒരു അനുഭവം ആയിരുന്നു.
ടൂർ ബസ്സിൽ പാടാനറിയാത്തവളും പാടാനറിയുന്നവളും തമ്മിൽ വലിയ വ്യത്യാസമില്ല. അവിടെ വേണ്ടത് ആവേശവും കുറച്ചു തമാശയുമാണ്. പാടാൻ അറിയില്ലെങ്കിലും ആ മൈക്ക് പിടിച്ച് ഒന്ന് പാടാൻ കാണിക്കുന്ന ആ 'ധൈര്യം' ഉണ്ടല്ലോ, അതാണ് ടൂർ യാത്രകളുടെ യഥാർത്ഥ രസം.
പിന്നെ മരുന്നിന് പോന്ന ഒന്ന് രണ്ട് ആണുങ്ങൾ ആ ആ അവസരം മുതലാക്കി ട്ടൊ.
ബസ്സിനുള്ളിലെ അടിപൊളികളെ ഓഫാക്കി നീലപ്പല്ല് കണക്ട് ചെയ്ത് അവർക്കാവും വിധത്തിൽ പാടിത്തുടങ്ങി. ആ ധൈര്യത്തിൽ ഏനുമൊന്ന് പാടി.
ആസ്വാദനകരുടെ പ്രതികരണം...
പൊതുവെ ബസ്സിന്റെ കുലുക്കത്തിൽ തലയാടുന്നത് പോലും നിലച്ച് പോയി!
പാട്ട് മോശമെങ്കിലും "രാക്കടമ്പ് പൂക്കുമ്പോൾ... " സുഖിപ്പിക്കാനുള്ള ലാലല്ല ലാലല്ല എന്ന ഒപ്പമുള്ളവരുടെ ഡ്യൂപ്ലി BGM ലവലേശം കണ്ടില്ല !!
ഏതായാലും ഇവരുടെ മനോനില ഏത് രൂപത്തിലായിരുന്നെന്ന് isro ചെയർമാനെ വിളിച്ചെന്ന് ചോദിച്ചാലൊ എന്ന് കരുതി നിക്കുമ്പോഴാണ് തട്ട്പൊളിപ്പൻ പാട്ട് കേട്ട് പെൺപട ഡാൻസ് ചെയ്യാനായി ഗോദയിലേക്ക് ഇറങ്ങിയത്.
ന്റമ്മോ അതൊരു സംഭവമായിരുന്നു.
അതിൽ ചിലരുടെ താളത്തിന്റെ ചടുലതയും ചുവടുകളുടെ ആവേശവും ഒത്തുചേർന്നപ്പോൾ അവിടെ പിറന്നത് വെറുമൊരു അടിപൊളി നൃത്തമല്ല, മറിച്ച് ഒരു വിസ്മയമായിരുന്നു.
അവൾ... ചുവടുവെക്കുന്നത് വെറുമൊരു ബസ്സിന്റെ ഫ്ലോറിലല്ല. മറിച്ച് എന്റെ ഹൃദയതാളത്തിലേക്കായിരുന്നു. സിരകളിൽ സംഗീതം അഗ്നിയായി പടരുമ്പോൾ, ഓരോ ചലനത്തിലും മിന്നൽപ്പിണരുകൾ വിരിയുന്നു. കാറ്റിൽ ആടുന്ന പൂവല്ല അവൾ, മറിച്ച് ആഞ്ഞടിക്കുന്ന ഒരു കൊടുങ്കാറ്റായിരുന്നു!
എന്റെ ഹൃദയത്തിൽ ഒരു സ്റ്റെന്റ് ഇല്ലായിരുന്നെങ്കിൽ ഞാനും അവളോടൊപ്പം ചേർന്ന് ഒരു റോക്കെൻറോൾ എങ്കിലും ചെയ്യുമായിരുന്നു.
ഏതാവട്ടെ boney mലെ മാർസിയ ബാരറ്റ് നെക്കാളും വൈഷ്ണവി പാട്ടേൽനെയൊക്കെ കവച്ച് വെക്കുന്ന ഡാൻസറികൾ മ്മടെ കൂടെണ്ടായ അൽഭുത സത്യത്തിൽ മിഴിച്ചന്തംവിട്ട് Amazement നായി ഞാനിരുന്നു!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ